ပထမဆုံး Notepad လေးတစ်ခုဖွင့်လိုက်ပါ ။Windows Key နဲ့ R တွဲနှိပ်ပါ။

ပေါ်လာတဲ့ Run Box မှာ notepad လို့ရိုက် Enter ခေါက် ။ဒါဆို notepad ပွင့်လာပါပြီ။

Html မှာ tag တွေနဲ့ရေးသလိုပဲ PHP မှာလည်း tag လေးတွေနဲ့

ရေးပါတယ်။ Html နဲ့တော့ကွာပါတယ် ။PHP မှာ

<? PHP

tag နဲ့စတင်ပြီး

?> နဲ့ပြန်ပိတ်ပါတယ်။

ဖော်ပြမယ့် စာသားတွေကို Browser မှာ မြင်တွေ့နိုင်ရန်အတွက် echo နဲ့ print တို့ကို အသုံးပြုပါတယ်။

 စာကြောင်းဆုံးတိုင်းမှာ semicolon (;) ဖြင့်ပိတ်ပေးရပါမယ်။

semicolon ကျန်ခဲ့ရင် prase error ဆိုပြီးပြပါလိမ့်မည်။

Echo ကို အသုံးပြုပြီး မိမိမြင်တွေ့ချင်တဲ့စာတွေကို “  “ ထဲမှာရေးရပါတယ်။

ဥပမာ -

<?PHP

echo “Hello, Friend”;

print “Hello, Friend”;

?>

 

အဲဒီဥပမာလေးကို Wamp အောက်က WWW Folder ထဲမှာ Hello.php နာမည်နဲ့သိမ်းပေးလိုက်ပါ။

တကယ်လို့ XAMPP Server သုံးရင် C ထဲက XAMPP ထဲက htdocs ထဲကိုထည့်ပေးရပါမယ်။

ကဲ Browser ကိုဖွင့်လိုက်ပါ ။ပြီးရင် http://localhost/www/Hello.php လို့ရိုက်ထည့်ပြီးခေါ်လိုက်ပါ။

XAMPP သုံးရင် http://localhost/Hello.php လို့ခေါ်မှအဆင်ပြေပါလိမ့်မယ် ။

Browser မှာ Hello,Friend. ကိုမြင်ရပါလိမ့်မယ် ။တကယ်တမ်းလက်တွေ့ရေးသားတဲ့အခါမှာ

print ထက် echo ကိုပိုအသုံးများပါတယ် ။

 

 ဒါဆိုတစ်ခုစဉ်းစားစရာတွေ့ပါပြီ တကယ်လို့ ကျွန်တော်တို့က  Hello Friend, “ Nice To Meet U “ . ဆိုပြီးရေးပြချင်တယ်ဆိုပါစို့ ။

 exho " Hello Friend, “ Nice To Meet U “ " လို့ရေးရင် ရမလား?

စမ်းကြည့်ရင် Error ပြတာကိုတွေ့ပါလိမ့်မယ် ။

အဲဒီလိုမျိုးရေးချင်ရင်တော့ '  ' ပြောင်းသုံးပေးရပါမယ် ။နောက်ထပ် \ သုံးပြီးရေးလည်းရပါတယ် ။

ဥပမာ-

<? php

Echo “Hello Friend, \“ Nice To Meet U\ “” ;

Echo ' Hello Friend, " What the weather like today." ' ;

Echo ‘  I\’m  Just  ducky. ’;

?>

ဒါဆိုရင် Error မရှိပဲ အဆင်ပြေစွာရေးလို့ရသွားပါပြီ ။ ထပ်ပြောပြချင်တာက Error Message တွေတွေ့ရင်

မှားပြန်ပြီ ဆိုပြီးလန့်မသွားပါနဲ့ ။အဲဒီ Error Message မှာ ရေးထားတာလေးကို ဖတ်ကြည့်စေချင်ပါတယ် ။

သူကဘယ်လိုနေရာလွဲတယ်ဆိုတာလေးကိုပြောပြထားတာဖြစ်ပါတယ် ။

ကုတ်တွေအများကြီးရေးရတဲ့ တကယ့် Page တစ်ခုအတွက် Error Message ကြည့်တာနဲ့

ပြင်ရမယ့်နေရာကိုတစ်ခါတည်းတန်းသိနိုင်မယ်ဆို တကယ်ကိုအကျိုးကျေးဇူးများပါလိမ့်မယ် ။

Comments ကိုဆက်ရှင်းပြပါမယ် ။

ကိုယ်ရေးတဲ့ Code တွေကို အမှတ်အသားပြုဖို့အတွက် Comments လေးတွေထားလေ့ရှိပါတယ် ။

Comments ဆိုတာ Compiler ကမစစ်ပဲကျော်သွားစေတဲ့ အမှတ်အသားပဲဖြစ်ပါတယ် ။

အများနှင့်လုပ်ကိုင်ရတဲ့လုပ်ငန်းတွေမှာဆိုရင် Comments မရေးခဲ့ပါက အကြောင်းတစုံတစ်ခုကြောင့်အလုပ်ထွက်တဲ့အခါမှာပဲ ဖြစ်ဖြစ်၊

 ဌာနပြောင်းရွေ့တာပဲဖြစ်ဖြစ် မိမိရေးခဲ့တဲ့ Web Project ကို တာဝန်လွှဲးပြောင်းယူရတဲ့ Developer ကနေပြီးအကြောင်းတစ်ခုခုကြောင့် Web Project ကို ပြန်လည်

 ပြုပြင်ရေးသားတဲ့အခါမှာ Comments မရှိလို့ Coding တွေ ရှုပ်ထွေးနေမယ်ဆိုရင်ပြန်လည်ပြုပြင်တဲ့အခါမှာ အချိန်ကြာသလိုဒုက္ခလည်းရောက်ပါတယ်။

ဒါကြောင့် Comments လေးတွေကိုအကျင့်လုပ်ပြီးရေးသင့်ပါတယ် ။

PHP မှာ Comments (၂) မျိုးရှိပါတယ်။

 Single Line Comments

 Multi Line Comments ဆိုပြီးရှိပါတယ်။

 Single Line Comments ကို ဒီလိုရေးပါတယ် ။

// ရေးချင်တဲ့ကော်မန့် (or)# ရေးချင်တဲ့ကော်မန့်

ဥပမာ-

# this is single line comment.

// this is single line comment.

ကိုယ်အလုပ်မလုပ်စေချင်တဲ့ Coding တွေကိုလည်း Comments ပေးပြီးပိတ်ထားလို့ရပါတယ်

// Output “Hello Friend”

Comments စာသားတွေများတယ်ဆိုရင်တော့ Multi Line Commentsကိုသုံးရပါတယ် ။/* ရေးချင်တဲ့ကော်မန့်အများအပြား*/

ဥပမာ-

/* Output

“Hello Friend”

(this is single line comment) */

 

ဒါလေးကိုပဲအရင်လေ့လာကြည့်ပါဦး  ။နောက်မှထပ်ဆက်ပါဦးမယ် ။