-ငါပညတ်ဟူမူကား ငါသည်သင်တို့ ကိုချစ်သည့်နည်းတူ

သင်တို့သည် အချင်းချင်းချစ်ကြလော့ (ယောဟန် ၁၅း၁၂)

(၁)

သူမငါးမုန့်ကြော်ကြိုက်သည်။ ထို့ကြောင့် သူမအတွက်ငါးမုန့်ကြော်တစ်ထုပ်ဝင်ဝယ်ခဲ့သည်။

ဒီညနေခင်းလေးကတော်တော်လေးကိုလှပပါသည်။ ကောင်းကင်သည်ပုစွန်ဆီ

ရောင်သန်း၍နေလေပြီ။လမ်းများ နှင့် အိမ်တံစက်မြိတ် မှနေရောင်ခြည်ထိသည့်အပိုင်းနှင့်

ငှက်ပျောရွက်ဖားဖားများ နှင့် လမ်းမီးမဖွင့်တတ်သေးသည့် အပေါ်ဘက်ခြမ်းများတွင်ရွှေဝါရောင်အမှုန်များ

ကြဲဖြန့်ထားသည့်အလား စိုလက်လက်ကလေးနှင့်လိုက်ဖက်ညီ လှပနေလေသည်။

ထို့ကြောင့် ပင်ကမ္ဘာလောကကြီး ယနေ့ သာသာယာယာရှိနေသည့်ကြောင်းမည်သည့်

ထောက်ခံချက် တစ်စုံတစ်ရာမှ ပေးရန် မလိုအပ်တော့ ပါချေ။

ဂုံးကျော်တံတားလေးပေါ်မှလှမ်းကြည့်ဖြစ်တော့တံတားအောက်

ဘက်ဆီမှ မီးရထားသံလမ်းကိုလှမ်းမြင်နေရသည်။ ရပ်ထားသည် အနီရောင်ကုန်တင်တွဲကြီးသည် လည်း

၎င်းဖြတ်သန်းရာဘ၀ခရီး ၏အနီရောင်အမိုးများပေါ်မှရင့်ကျတ်တည်ငြိမ်မှုကို ပြသနေကြသကဲ့သို့ရှိသည်။

အရာရာသည်ညနေခင်းနေခြည်အောက်တွင်အသစ်တစ်ဖန် စိုလက်တောက်ပကြပြန်သည်။

မြစ်ဆိပ်ဘက်လှမ်းမျှော်ကြည့်မိမည်ဆိုလျှင် လှိုင်းကြက်ခွပ် ထိပ်ဖျားစွန်းလေးများပေါ်သို့ ယိမ်းကာနွဲ့ကာ

လှိုင်းစီးနေကြမည့် ညနေခင်းကိုတွေ့ရဦးမည်ဖြစ်သည်။ နေမင်းနီနီ သည် သူ၏ နောက်ဆုံးအချိန်ကို

တိုက်တွန်းမှုတစ်စုံတစ်ရာမပါပဲ အလှဆုံးဖန်ဆင်းဦးမည် သာဖြစ်လေသည်။

I chatter Chatter as I flow

to join the brimming river

for men may come and men may go

but I go on forever.........

ဒီကဗျာလေးထဲကလိုပဲ လူတစ်ချို့သွားနေကြသည် ။

တစ်ချို့က ပြန်လာကြသည် ။ ကိုယ့်ကိစ္စနှင့်ကိုယ် အရာရာ ပုံမှန်အတိုင်း အသက်ဝင်

ကြသည် ။မကြာခင်အမှောင်ဖုံးတော့မည်။ ညနေခင်းလေးလည်း မမြဲသည့်သဘောတွင်

ကွယ်ပျောက်သွားလိမ့်ဦးမည် ။

ယနေ့ အိမ်အပြန်လမ်းသည်လည်း ညနေခင်း နေခြည်အောက်တွင် လဲ့လဲ့လေး လှပနေလေသည်။

......................................................................

သူတို့နှုတ်တွင် သစ္စာမရှိပါ၊ သူတို့နှလုံးသည် အလွန် ဆိုးဝါး၏၊၊

သူတို့၏ လည်ချောင်းသည်ဖွင့်ထားသော င်္သချိုင်းတွင်းဖြစ်ပါ၏၊၊

သူတို့သည် လျှာနှင့်ချော့မော့တတ်ကြ၏။ (ဆာလံကျမ်း အခန်းကြီး၅း၉)

(၂)

ဖြူဖြူ ... ဖြူဖြူ ..

ကျွန်တော်ဖြူဖြူ့ကိုရှာမတွေ့ ။... ဖြူဖြူ .... ဖြူဖြူ

သူမကျွန်တော့်ကိုစွန့်ခွာသွားခဲ့သည်မှာသေချာသွားပြီ ။

နေရာတော်တော်များများတွင် ဖြူဖြူ့ကိုတွေ့မိသေးလားဟုမေးခဲ့ပြီးပြီ ။..

ကျွန်တော့်ကိုသာ စူးစမ်းသည့်အကြည့်များ ဖြင့်ပြန်ကြည့်ခြင်းကိုခံရသည်။

ညနေခင်းသည်ညနေခင်း ဖြစ်တည်စဉ်ခဏတွင်ကျန်ရစ်ခဲ့လေပြီ ။

ငါးမုန့်ကြော် ..... လက်ထဲတွင်သူမကြိုက်သည့်ငါးမုန့်ကြော်လေးသည်မပြောင်းမလဲ ... တည်ရှိသည် ။

ငါးမုန့်ကြော်လေးသည် သူ့အား ကိုက်ဝါးမည့်သူအပေါ် ချိုမြအရသာပေးစွမ်းရန် အသင့်။

ငါးမုန့်ကြော်လေးတွင်တိကျသောတန်ဖိုးသတ်မှတ်ချက်ရှိသည် ။

ဖြူဖြူ ရယ် ........................ ငါက ငါးမုန့်ကြော်လေးတစ်ထုပ်ပါပဲ ။

သူမ နှင့်စတင်တွေ့ဆုံရခြင်းသည် ပြဇာတ်မဆန်ခဲ့ပါ ။

ကျွန်တော်ညလယ်စာထွက်စားသည့်ည ကသူမသည် သူ့ခြေထောက်နှင့်သူ

ရောက်လာခဲ့ခြင်း ဖြစ်လေသည်။ အဲဒီည ကကျွန်တော် Capture ဖမ်းထားခဲ့သည်။

အိမ်တံခါးအဖွင့်တွင် ကျွန်တော့်အဖို့ထူးခြားသည့်အငွေ့အသက်ကိုစတင်ခံစားရသည်။

တစ်ခုခုထူးခြားနေပြီ ။ အနံ့တစ်မျိုးကိုရနေသည်။

ကျွန်တော်ခြေသံကိုဖော့လိုက်သည် ။ မီးဖိုခန်းထဲမှ ငါးသေတ္တာ ဟင်းအားတစ်စုံတစ်ယောက်ဖွင့်စားထားသည်။

သေချာပြီ ကျွန်တော်တစ်ယောက်တည်းမဟုတ်တော့ ။ရုတ်တရက်စဉ်းစားမရသဖြင့် နံရံထောင့်ရှိ

ဂစ်တာကိုယူသည် ။လိုအပ်လျှင်အားနှင့်လွှဲ ရိုက်ရန် ။..

Capture ဖမ်းထားခြင်းပြီးဆုံး၍ အခွေထွက်လာသည်။ကွန်ပျူတာမှ တီတီ မည်သည်။

သူမကိုရှာတွေ့ချိန်တွင်သူမသည် ကြောက်လွန်းသဖြင့်အသားများဆက်ဆက်တုန်နေလေသည် ။

ပြူးကျယ်ဝိုင်းစက်သောမျက်ဝန်းတစ်စုံသည် အလွန်အမင်းချစ်စရာကောင်းလှကြောင်း တစ်ကြိမ်တည်း

ဖြင့်သေချာစေခဲ့သည် ။ရွှေရုပ်လေးတစ်ရုပ်ကောက်ရသူလိုကိုယ့်ကိုယ်ကို ခံစားလိုက်ပြစ်လိုက်သည် ။

သူ - မဟုတ် ။.... သူမ ........။ ကျွန်တော့်တွင်ဒေါသများမရှိတော့ ..........

သူမဗိုက်ဆာလွန်းသဖြင့် ထမင်းခိုးစားထားခြင်းသာ ။

သေချာသည်မှာ ကျွန်တော်လည်းတစ်ယောက်တည်းသမားဖြစ်သလို သူမသည်လည်း အတူတူသာဖြစ်

ပေလိမ့်မည် ။ ကျွန်တော်တို့အကြားစကားလုံးများများစားစားမလိုလှပါ ။

ကျွန်တော်တို့အကြားဟန်ဆောင်မှုများလည်း မလိုအပ်လှပါ ။ ရိုးရိုးလေးပျော်စရာကောင်းပါသည်။

ထိုနေ့မှစ၍ကျွန်တော် တစ်ယောက်တည်းမဟုတ်တော့ ။

ကျွန်တော့်မွေးနေ့ တနင်္ဂနွေဖြစ်၍ အလုပ်မရှုပ်အောင်သူမကိုလည်းတနင်္ဂနွေဖြစ်စေခဲ့သည် ။

သူမသည်ဗိုက်ဆာသည့်ကိစ္စမှလွဲလျှင်ကျန်အရာအားလုံးအားဘာမှ

နားမလည်သောအဖြူရောင်စစ်စစ်ဖြစ်လေသည် ။

ဖြူဖြူ ... နင့်ကိုငါသီချင်းဆိုပြမယ် နားထောင်မလား ?

သူမခေါင်းငြိမ့်လိုက်သည်ဟုခံစားမိလိုက်သည် ။

သူမသည် ပီဘိ ကလေးငယ်တစ်ဦးသာဖြစ်လေသည်။

ဂစ်တာကြိုးပေါ် လက်ချောင်းငယ်များ သခင့်အလိုကျ ယဉ်ပါးစွာပြေးလွှားသည်။

လောကရဲ့ပင်လယ် ဒုက္ခလှိုင်းတွေထဲ ... ကလေးလေးတစ်ယောက်သူငိုနေ ....

ကြောက်ရွံ့စိတ်တွေဝင် နောက်လှည့်ပြေးမှာလား ..... ပြန်ထွက်မပြေးနဲ့ကလေးလေးရေ ။...

စွန့်ပစ်ရက်သူတွေ အမုန်းရဲ့မြားချက်များကလေးလေးတစ်ယောက်နာကျင်နေ

လမ်းမကြီးတွေအပေါ်လမ်းပျောက်ခဲ့ပြီလား ထွက်မပြေးနဲ့ ကလေးလေးရေ

လောကရဲ့ရင်ခွင်ရှားပါးမေတ္တာများ ကလေးလေးတစ်ယောက်ရှာဖွေနေ

ခုထိမတွေ့နိုင်ပါ စိတ်ပျက်သွားပြီလား ပြန်ထွက်မပြေးနဲ့ကလေးလေးရေ

သူမကိုလှမ်းကြည့်လိုက်တော့ ခွေခွေ ကလေးအိပ်နေပြီ ။...

ဖြူဖြူ .. နင့်ဘ၀လေးငြိမ်းချမ်းပါပြီဟာ ...

ခပ်တိုးတိုး ပြောမိသည် ။ ဂျူဗလီကောတာမှ အခွေများ အန်ကျလာသည် ။

ကျွန်တော် စက်ထဲ နောက်ထပ်အခွေဆယ်ခွေ ထပ်ထည့်ပြီးတစ်ကျော့ ပြန်စသည် ။

......................................................................

အို ဘုရားသခင်၊ အကျွန်ုပ်ကို စစ်ကြော၍၊ အကျွန်ုပ်၏ နှလုံးကို သိမှတ်တော်မူပါ။

စုံစမ်း၍ စိတ်အထင်များကိုလည်း သိမှတ်တော်မူပါ။ ဆိုးသောလမ်းသို့ အကျွန်ုပ်လိုက်သည်

မလိုက်သည်ကို ကြည့်ရှု၍၊ ထာဝရလမ်းထဲသို့ သွေးဆောင်တော်မူပါ။ (ဆာလံ ၁၃၉း၂၃-၂၄)

(၃)

ဖြူဖြူ ပြန်လာပါတော့ကွာ ။ ကျွန်တော်ခပ်တိုးတိုးရေရွတ်မိသည် ။

ငါးမုန့်ကြော်လေးများသည်စုစုပေါင်း လျှင် ဆယ့်ခြောက်ထုပ်ရှိနေပြီ ။

ဖြူဖြူ ပျောက်သွားသည်မှာ ဆယ့်ခြောက်ရက်ရှိချေပြီ ။.....

ချမ်းချမ်း အခွေထွက် သည့်ရက်ကညစဉ် အိပ်မရအောင်အလုပ်များခဲ့သော်လည်း

ကျွန်တော် ခံနိုင်ရည်ရှိခဲ့သည်။ ဖြူဖြူမရှိသည့် ရက်တွေမှာကျွန်တော့် 

ဘ၀ ခံနိုင်ရည်မဲ့ခဲ့သည် ။ အစကတည်းက နင်ငါနဲ့ မတွေ့ခဲ့သင့်ဘူး ဖြူဖြူ။

သူမသည် မဖိတ်ခေါ်ပဲရောက်လာသည့်ဧည့်သည်တစ်ဦးသာဖြစ်မှန်း

ကျွန်တော်သိခဲ့ဖို့ကောင်းသည် ။

ဂျွန်ဂိုအခွေတစ်ခွေ ကျွန်တော် စက်ထဲထည့်ထားသည်။

ဂျွန်ဂိုသည် နယ်ပရိတ်သတ်ကြိုက်သည့်မင်းသားတစ်လက်ဖြစ်သည်။

ကိုကျော်သီဟ အတွက်ကျွန်တော် အခွေ တစ်ရာကူးပေးရမည်ဖြစ်သည်။

ဖြူဖြူ ...... ရယ် ငါ့ဘ၀ ကဘာမှမဟုတ်ပါဘူး ဟာ ။..

အရင်ကဆို နင်ကဂျူဗလီကေတာ ကြီးကို ဘာကြီးမှန်းမသိပဲကိုင်ကြည့်တတ်တယ် နော်။

ဖြူဖြူ့ကိုမြင်ယောင်ရင်းတွေးမိသည် ။ ဂျူဗလီကေတာသည် ဘာကိုမှနားမလည်တတ်ပါ။

ဒါကြီးက အခွေကူးတဲ့စက်ကြီးလေ။ သိလား ?

သူမက လည်း ဘာဆိုဘာမှသိလိမ့်မည်မဟုတ်ပါ ။

ငါ့ဖာသာငါတော့ အကုသိုလ်အလုပ်လို့မထင်ပါဘူး ။အခွေလွတ်တစ်ချပ်မှ 94Ks ကျပ်ပဲရှိတာကို။

ဖြူဖြူက ကျွန်တော်ပြောတာ အားလုံးကို မျက်လုံးလေးဝိုင်းအောင်သေသေချာချာ မှတ်သား

သည်ကိုတွေ့ရတော့ကျွန်တော်ပျော် သည်။ ပြီးလျှင်သူမဘာတစ်ခုမှမှတ်မိမှာ မဟုတ်ကြောင်းကိုလည်း

ကျွန်တော်သိပြီးသားဖြစ်သည်။

အဖဘုရားသည် ကျွန်တော့်အတွက်လက်ဆောင်ကောင်းတစ်ခု ပို့ဆောင်ပေးလိုက်ခြင်းသာဖြစ်လိမ့်မည်။

သို့မဟုတ်လျှင်တော့ သူမသည် ရှိုက်တန်(စေတန်) မှပို့ဆက်လိုက်ခြင်းသာဖြစ်ပေလိမ့်မည်။

ဖြူဖြူ ......

ကျွန်တော်အိမ်မက်ကလန့်နိုးသည် ။

ရင်အစုံသည်တလှပ်လှပ်ခုန်သည် ။ပြတင်းမှမြင်ရသောကောင်းကင်တွင် ကြယ်တို့အဆုပ်လိုက် အဆုပ်လိုက်

ပွင့် လျှက်ရှိသည် ။ ညလေပြေညှင်းသည် ငြိမ့်ငြိမ့်ကလေးစီးဆင်းလျှက်ရှိသည်။ ညသည်နှစ်လိုဖွယ်ကောင်း

အောင်လှို့ဝှက်တိတ်ဆိတ်လျှက်ရှိလေသည်။

ဖြူဖြူလား ... မျက်ဝန်းဝိုင်းဝိုင်း လေးများသည်ရင်းနှီးပြီးသား ဖြစ်သည် ။ မီးခလုပ်ကိုယောင်ယမ်းထစမ်းဖြစ်သည်။

ကွန်ပျူတာသည် Sleep Mode ဖြစ်နေပြီ ။ အို ...................

ဖြူဖြူ ... ဖြူဖြူ သည်သွေးအလိမ်းလိမ်း .. သူမတစ်လှမ်းခြင်း ကျွန်တော်ရှိရာသို့လာနေသည် ။

ဖြူဖြူ ... ဘယ်နေရာမှာ ဘယ်လိုအန္တရယ်ကြုံခဲ့ပြီလဲ ။ သူများအိမ်ပေါ်တတ် ထမင်းခိုးစားပြန်ပြီလား ။

ခပ်ဆိုးဆိုး ခပ်မိုက်မိုက်ကောင်လေးတွေကများ ................... ဘုရားဘုရား .................

အတွေးများဖြင့်ယောက်ယက်ခက် ကြေကွဲမိသည် ။ ဖြူဖြူရယ် ငါ့ဆီကနေထွက်မသွားပါနဲ့ဆိုတာ ...

သူမသည် အန္တရာယ်ကြားမှသားကောင်ဖြစ်သည်။ သူမ၏ သေးနုပ်သော မှတ်သားရာ ခန္ဓာတွင်ကျွန်တော်နှင့်

ရှိချိန်ခဏသည် အငြိမ်းချမ်းဆုံးဖြစ်နေလိမ့်မည်။

ထို့ကြောင့်သူမနောက်ဆုံးအချိန်တွင်ကျွန်တော့်ထံသို့လာရောက်ခဲ့ခြင်းဖြစ်ပေလိမ့်မည်။

စိတ်ကိုအတတ်နိုင်ဆုံးတည်ငြိမ်အောင်ကြိုးစား ပြီးမေးလိုက်သည်။ ငါဘာလုပ်ပေးနိုင်မလဲ ?

ဖြူဖြူ နင်ကောင်းသွားမှာ .. ငါ ကုပေးမယ်။.. ငါလေနင့်အတွက်ငါးမုန့်ကြော်တွေဝယ်ထားတယ် သိလား။

နေဦး နေဦး ။နင်ပြန်ကောင်းသွားမှာနော် ...။ အကုန်နင်စားနော် .. သိလား ..........

ဖြူဖြူသည် ကျွန်တော့်ရင်ခွင်ထဲ အတင်း ဇွတ်ဝင်ဖို့ကြိုးစားသည် ။ သူမ ဒီလိုပဲဆိုးနေကျ ။......

ကျွန်တော်ကလည်းနှစ်သက်နေကျ ......................

အခုတော့

အခုတော့ ..........

သူမခန္ဓာသွေးအလိမ်းလိမ်း..................

ကျွန်တော့်ရင်ခွင်သည်လည်းသူမ သွေး များ ဖြင့်စိုနစ်.........

လမင်းသည် တစ်နေရာသို့ပုန်းရှောင်လေပြီ ။ ကောင်းကင်ငိုတော့မည်။

မရည်ရွယ်ပါပဲနှုတ်ခမ်းဖျားလေးများဆက်ဆက်ခါသည်။

ဖြူဖြူ ...

ဖြူဖြူ ....

ညသည် လျှို့ဝှက်လွန်းနေသည် ။လေတို့သည် ပို၍ကြမ်းကြမ်းတိုက်ပြကြသည်။

နင့်ကိုငါသီချင်းဆိုပြမယ်လေ ......... မျက်ရည်အချို့ကိုသူမ မမြင်အောင်ခါချဖြစ် သည်။

ဂစ်တာအိုလေးအားလှမ်း မယူဖြစ်တော့ .............

သံစဉ်မပါသော အပေါစားတေးတစ်ပုဒ်ဖြင့်နှလုံးသားအား ချွေးသိပ်ခွင့်ပြုပါ ....။

ဖြူဖြူ ... နင့်ကိုငါသီချင်းဆိုပြမယ် နားထောင်မလား ?

စကားလုံးအသွင်ပြောင်းထားသော ခံစားချက်များနှလုံးအိမ်မှလျှံကျသည်။

တိုးတိုးလေး .. ပြီးတော့ .. ငြိမ့်ငြိမ့်လေး ....

လောကရဲ့ပင်လယ် ဒုက္ခလှိုင်းတွေထဲ ... ကလေးလေးတစ်ယောက်သူငိုနေ ....

ကြောက်ရွံ့စိတ်တွေဝင် နောက်လှည့်ပြေးမှာလား ..... ပြန်ထွက်မပြေးနဲ့ကလေးလေးရေ ။...

စွန့်ပစ်ရက်သူတွေ အမုန်းရဲ့မြားချက်များကလေးလေးတစ်ယောက်နာကျင်နေ

လမ်းမကြီးတွေအပေါ်လမ်းပျောက်ခဲ့ပြီလား ထွက်မပြေးနဲ့ ကလေးလေးရေ

လောကရဲ့ရင်ခွင်ရှားပါးမေတ္တာများ ကလေးလေးတစ်ယောက်ရှာဖွေနေ

ခုထိမတွေ့နိုင်ပါ စိတ်ပျက်သွားပြီလား ပြန်ထွက်မပြေးနဲ့ကလေးလေးရေ

မှားယွင်းမှုတွေကို အမှားနဲ့ တုန့်ပြန်မလား ကလေးလေးတစ်ယောက်တွေဝေနေ

အဆိပ်သင့်လက်တွေကို အဆိပ်နဲ့တုန့်ပြန်မလား ထွက်မပြေးနဲ့ကလေးလေးရေ ....

နွံ့အိုင်တွေ အလယ်မနစ်မြုတ်နဲ့ ကလေးလေး နွံ့အိုင်တွေကိုဖောက်ထွက်ခဲ့ကလေးလေး

ကြာဖြူတွေလိုကွယ်ဖူးပွင့်လိုက် ထွက်မပြေးနဲ့ ကလေးလေးရေ ....

ပြန်ထွက်မပြေးနဲ့ ကလေးလေးရေ ....................(Here Song)

......................................................................

ကောင်းကင်ဘုံ၌ကျိန်းဝပ်တော်မူသောအိုအဖ ဘုရား ။

အောက်နိမ့်ရာအရပ်မှ အကျွန်ုပ်တောင်းလျှောက်ရာကိုနားညောင်းတော်မူပါ ။

ကိုယ်တော် အုပ်စိုးသော အသက်တာသည် လုံခြုံစိတ်ချသောအသက်တာဖြစ်ပါ၏။

(၄)

ကောင်းကင်ငိုပြီ ။.....

ရေစက်များသည်ပိတ်ထားသည့်တံခါးတွင် ရေစီးကြောင်း ငယ်ငါးခုခွဲ၍စီးဆင်းစေသည်။

ဖွင့်ထားသည့်ပြတင်းဘက်ခြမ်း ဆီမှ မိုးစက်များ လှိမ့်ကာလှိမ့်ကာခုန်ဆင်းလာသည် ။....

မဲနက်သောကောင်းကင်တွင် ဒေါသကြီးသော သတ္တ၀ါဆိုးတစ်ကောင် မန်မဲ ခြိမ်းခြောက်နေသည်။

မည်သို့ပင်ဖြစ်စေ သူမသည် ငြိမ်းချမ်းရာသို့သွားပြီဖြစ်သည်။

ဖြူဖြူ .. နင့်ဘ၀လေးငြိမ်းချမ်းပါပြီဟာ ...

အခုတကယ်ငြိမ်းချမ်းသွားပြီ ဟ ... သိလား ။

တကယ် ငြိမ်းချမ်းသွားပြီ ............. နင်လွတ်မြောက်သွားပြီ ................

ခပ်တိုးတိုး ပြောမိသည် ။ ဂျူဗလီကောတာမှ အခွေများ အန်ကျထားပြီးဖြစ် သည် ။

Computer သည် Sleep mode ဖြစ်နေပြီဖြစ်သည်။ Mingji တံဆိပ် ခွေလွတ်များသည်လည်း

ထုံးစံအတိုင်းပြန့်ကျဲလျှက်သာရှိနေသေးသည်ဖြစ်သည်။

ခိုးကူးခွေများရောင်းသောကောင်လေးသည်လည်း ယခုချိန်ထိ အသံမဲ့ရှိုက်ငိုလျှက်ရှိနေသေးသည် သာဖြစ်သည်။

PS: ဖြူဖြူသည် အမွေးဖြူဖြူလေးများ ပိုင်ဆိုင်သော ချစ်စရာ ကြောင်မလေးတစ်ကောင်သာဖြစ်ကြောင်း

သင့်အား မည်သည့်အခါမှပြောပြလိမ့်မည်မဟုတ်ပါ ။