.
လင်း မူ က အခု ချောင်းနေတာက သရ ဖီ ရုံးဆင်းချိန်ကို ..
..
ပြီးခဲ့တဲ့ရက်က သရဖီကို ကွီး ဖြိုး ကားနဲ့လာကြိုသွားလို့ အချိန်ကောင်းလွတ်သွားခဲ့ပေမယ့် ဒီနေ့မှာတော့ အဆင်ပြေစေဖို့ လင်းမူ ဆုတောင်းရင်းဆက်စောင့်နေမိသည်။
လင်းမူ အချစ်တွေ ဖွင့်ပြခွင့်ပြုပါရစေတော့ သရဖီလေးရယ်။
ဟော .. အချစ်လေးထွက်လာပြီ ..
သရဖီက ရုံးဆင်းပြီမို့ ဖိုင်တွဲလေးကိုင်ပြီး ကျော့ကျော့လေး ထွက်လာသည် ။ လင်း မူ ဒီတစ်ခေါက် အခွင့်အရေးကိုတော့လက်လွှတ်မခံတော့ ... အသက်တစ်ချက် ..ခက်ပြင်းပြင်းရှုလိုက်ပြီးကိုယ့်ကိုယ်ကို ပြန် အားပေးလိုက်သည်။ ပြောရမှာတွေပြန်စဥ်းစား.. ..
..
မ, ကိုမှ မရရင် ကျွန်တော့ဘဝက လမ်းဘေးက ခွေးအိုကြီးဖြစ်နေတော့မှာပါ လို့ တော်ကီတစ်ပေါက် ပစ်ထည့်မယ် ..ပြီးတော့ မကိုအရမ်းချစ်တာ သေမတတ်ပဲ လို့ပြောမယ် ... အချစ်စစ်ရဲ့လမ်းကမဖြောင့်ပါဘူး မရယ် ဆိုတာလေးလည်း ထည့်ပြောပေးရဦးမယ် .. ဒါဆို မမ ကြွေဆင်းသွားမှာ .. အိုမောင်လေး လင်းမူရယ်ဆိုပြီး အကြင်နာရောင်ပြန်ဟပ်လာမှာ ....
ဟော ... ချစ်မ ဖိုင်တွဲလေးကိုင်ပြီးလမ်းလျှောက်နေတာ အခု အနားနားကိုရောက်လာပြီ ...
မ..
မမ ..
...ဖွီ .. ? ? (အဖျားဆွတ်ခေါ်လိုက်တာ .. ငိငိ )
..ဖီ ..ဖီ .. ဖီ
သရဖီမျက်မှောင်ကြုတ်ကြည့်တော့ လင်းမူ ဝမ်းသာအားရသွားလေးဖြဲပြီး...ကြည့်သည်။
အချစ် သူတောင်းစားလေး လင်းမူ အဖြစ်က .. ခုတော့လည်း သနားစဖွယ် ...
သရဖီနည်းနည်းတော့ သနားချင်သွားသည်.. ဟယ် ကမ စိတ်ကိုထိမ်းဦး .. သူပြောပါစေဦး .. သရဖီ ကိုယ့်ဖာသာရေရွတ်မိသည်။
အချစ်ကြောင့်လှုပ်ရှားနေသောစိတ်ကိုထိမ်းပြီး လင်းမူ စကားစပြောသည်။
.
"ကျွန်တော့်ကို အရမ်းချစ်တာ .. မတော့ သေတော့မတတ်ပဲလေ"
"ဘာ .. ဘယ်လို"
.
" လမ်းက ဖြောင့်တယ် ... အချစ်က မစစ်တာ"
"ဘာ .. .. အချစ် မစစ်ရင် ဘာကိစ္စ စကားလိုက်ပြောနေတာလဲ "
..
"မ ဘဝကတော့ လမ်းဘေးကခွေးအိုကြီးလိုပါပဲ .. ကျွန်တော့်ကိုမှ မရရင်"
" တောက် .. ဒီကောင် ငါ့ကို ...သက်သက်လာစော်ကားနေတာ"
..
"ငါဟာ ယောက်ကျားရှိတဲ့ .. မာနတစ်ယောက် "
....
"ကဲဟာ .. န, ချင်အုံး .. န, ချင် အုံး ..ရှိဦး ဟဲ့ ယောက်ကျား.. " ဖြန်း ... ဖြန်း....
"ရည်းစားစကားပြောတော့မလား .. ပြောတော့မလားနဲ့
အထာပေးပြီး .. စောင့်ပေးနေရတာတောင် မတန်တဲ့ကောင် တစ်သက်လုံး FA လုပ်တော့ "
..
လင်း မူ .ပါးလေးပွတ်ပြီးကျန်ခဲ့ချိန်မှာ တော့ ...သရ ဖီက ရုံး ဖိုင်တွဲလေးကိုင်ပြီး ဆင်မယာဥ်သာခြေလှမ်းမျိုးနဲ့ ဆက်တောက်ဆက်တောက် ဘောက်ဆက် ဘောက်ဆက် .. ဆက်ထွက်သွားချေပြီ ...
သြော် ... ဘဝ ဘဝ ... လင်းမူ ဘဝ ..
..
..
"ငါပြန်လာမယ်လို့ ... နင်ထင်နေတာလား ... "..
အချိန်ကိုက်ဆိုသလို ထီလှည်းကလေးဆီက
အသည်းကွဲ သီချင်းလေးက လည်း လင်းမူ အဖြစ်ကို ကြိုမြင်နေသလိုလို ... သြော် ..
..
..