"ဟျောင့် .. မျောက်ကိုက် ... ဆော်အိမ်ရှေ့ဂစ်တာသွားတီးချင်လို့ .. အဖော် လိုက်ပေး .. "
"ဘာ ....... မင့်အုန်းကျွမ်းကြီးတွေ သွားဆိုဦးမလို့ လား .. တော်တော် တော် ......လိမှ မလိုက်ပေးဘူး .. ဖိနပ်တွေ ဂဲတွေပျံလာရင် စက်ကွင်းမလွတ်ဘူး .. အာဇာနည်လောက်ဆိုရင်လိုက်ပေးဦးမလို့ ."
"ရတယ်လေ မင်းမလိုက်လည်း ငဘစ်နဲ့သွားဆိုမယ် ... "
"ကြွကြွ .. "
ပြောတော့လည်းပြောချင်စရာ .. ကိုယ့် ကိုယ်တိုင်ရေး ကိုယ်တိုင်ဆို ကိုယ်တိုင်နားထောင် အွန်းကျွမ်းသီချင်းတွေကို ဘယ်သူမှနားမထောင် .. နားထောင်ချင်လျှင် ဘီယာတိုက်ရသည် .. သို့မှသာ သကောင့်သားများက အားနာပါးနာ နားထောင်ပေးကြသည် ...
...
သြော် .. ဒါနဲ့ ဒီဇာတ်လမ်း က ဖုန်းတွေ အင်တာနက်တွေ ခတ်မစားသေးတဲ့ အချိန်တုန်းက အဖြစ်အပျက်မို့ လို့ ဖုန်းတွေ အင်တာနက်တွေ တော့မပါသေးဘူး..
..
"ဟျောင့် ငဘစ် .... ဒီည ကောင်မလေးအိမ်ရှေ့ ဂစ်တာတီးပြချင်တာ ကွာ .. မင်းလိုက်ခဲ့ပေးပါလား ... "
"လိုက်ပေးရင် ဘျာတိုက်မှာလား ?? "
"ငါးဆယ်ပဲရှိတယ် ... အေဘေးရဲ့ .."
"လိမှ မလိုက်ဘူး .... ငါးဆယ်နဲ့ ဖွန်ကြောင်ချင်တဲ့အကောင်... ကွကိုယ်သွားဆို ..."
.
"မင်းတို့က စိတ်ဓါတ်ပဲနော် ... ငါနာမည်ကြီး အဆိုတော်ဖြစ်လို့ကတော့ မင်းတို့ကောင် တွေဘက် အီးတောင်လှည့်မပေါက်ဘူး ... "
.
" အေးမင်းလည်းလမ်းဘေးမှာ ခွက်တလုံးနဲ့ တောင်းနေတဲ့အချိန် ငါ့မျက်နှာကြီးလှမ်း တွေ့တော့မှ ပျောက်နေတဲ့ အဖေပြန်တွေ့တဲ့သားလို ခွက်ကြီး ဂလောင် ခနဲ ပစ်ချပြီး ဝမ်းသာအားရ ပြေးမလားနဲ့ .. စောင့်ခွက်ချည်း ဖြတ်ကန်မှာ ...
.
"အေး ... ငါ လည်း သူနဲ့ရလို့ ကလေးမွေးရင် ..မင့် မွေးတဲ့ ကလေးနဲ့ လိ မှ သဘောမတူဘူး ... ဖြစ်သွားရင်လည်း မရ-ရအောင်ဖြတ်မှာ .. မင်ဂါဆောင်လည်းလိတောင် မဖိတ်ဘူး .. ခွေးသားလေးရဲ့ "
.
"အေး .. ငါလည်း မင့်လို့ ငမဲကောင်နဲ့ရလို့မွေးတဲ့ စောင် ငမဲ မျိုးဆက်လို့ လိ မှ သဘောမတူဘူး .... မင့် ဖြတ်တာထက်စောအောင်ဖြတ်ဥှီးမှာ ..
ဂစ်တာသွားတီးမှာ မဟုတ်လား ကြွကြွ .. ကျက်သရေတုန်း .
ဘီယာ မတိုက်မချင်း မင့်မျက်ခွက်က စောင်ကျက်သတုံးပဲ ... "
.
" ငလူးမ ဘစ်ဘစ် .. ခုနေထီပေါက်တောင် မင့်တစ်ယောက်ချန်ပြီးတစ်ရပ်ကွက်လုံး ဘီယာတိုက်မှာ .. လိမ့်ပြီ ..."
..
အင်း ခု မှ အစောကြီးရှိသေးတယ် ... အိမ်ပြန်အိပ်ပြီး ...တစ်ရေးနိုးမှ ထတီးမယ် ... အဲအဲ အဟုတ်ကြီးမှတ်မနေနဲ့ ... ကောင်မလေးက ဒီမျက်ခွက်ကြီးကို ချစ်ဖို့နေနေသာသာ .... နည်းနည်းမှ ကြည့်မရ အဲ့ဒါလည်းအလိုက်ကမ်းဆိုးမသိပဲ သူ့ အိမ်ရှေ့ဂစ်တာသွားတီးဖို့ကြံစည်နေသေးတာ .... အိမ်ချင်းကတော့သိပ်မဝေးလှ ....
အိမ်ပြန် .. အိပ် ...
.. သို့နှင့် ..
.
.
.
.
.
သင်ထင်သလို မနက်ထိ အိပ်ပျော်သွားတာမဟုတ်ပါဘူး ..
.
.
.
အောင်ကြီးက နာရီအလမ်းပေးပြီးအိပ်တာပါ .. ဟွင်းဟွင်း ...
.
.
.
.
ကွက်တိနိုးပါတယ် .. အဟက် အဟက် ..
အခုဆိုရင် တော့ .... လူမရှိတဲ့ ညနက်နက်ရဲ့လမ်းမ ပေါ်မှာ ဂစ်တာတစ်ကားကားနဲ့ကောင်မလေးအိမ် တစ်ကိုယ်တည်းလမ်းလျှောက်ချီတတ်လို့ နေပါပြီ .... ဘေးမှာလည်း အခြွေ အရံတွေနဲ့ပါ
ဝုတ် ... ဝုတ် .... ဂဲ ......
.
အောင်နက် အောင်နက် ....ဂုတ်ကြား .. မိလုံး .. ညိုညို အို့ အို့ ...
အီ အီ .. အာဝု ..(အံမယ် .. ငါကွ)
သို့နှင့် ..
ကောင်မလေးအိမ်ရှေ့ ....
..
.
.
အာဝူး ...................
ဆွဲဆွဲငင် ငင် အူလိုက်သော ခွေးအူသံက ရုတ်တရက်နီးနီးကပ်ကပ်ပေါ်လာသည် .. ငါ့အနားခွေးမရှိတော့ ပါဘူး .... ဟိုခွေးတွေလည်း ရက်ကွက်လွန်တာနဲ့ ကျန်ခဲ့ပါပြီ ..
အခု ဘယ်ကခွေးကရုတ်တရက်ကြီး ထ .အူပါလိမ့် ...
.
ချစ်သူအိမ်ရှေ့ လမ်းက လူတစ်ယောက်မှမရှိ ... ကောင်းကင်လည်းမဲမဲကြီး .... လေတစ်ချက်အဝေ့မှာ အပုတ်နံ့ကြီးကထောင်းခနဲ့ ....
ဂစ်တာကိုင်တဲ့လက်က နည်းနည်းတော့ တုန်လာပြီ ... စိတ်ထဲလည်း ဘာကိုစိုးရွံ့မှန်းမသိ ... ဒီနားလေးရောက်မှပဲ ပို ချမ်းစိမ့်စိမ့်ဖြစ်နေသလိုလို ....
ဒေါင်းစားတွေကလည်း တစ်ကောင်မှ အဖော်မလိုက်လာပေးဘူး ..
အတွေးထဲမှာလည်း ..
ဒီလမ်းပေါ်မှာ ဟို ၈၈ အရေးအခင်းတုန်းက လူတွေ အများကြီးသတ်ခဲ့တာ သူတို့က ခုထိ မကျွတ်သေးဘူး ... ခေါင်းဖြတ်ခံရတဲ့ ကျောင်းသူလေးဆို ညည သူ့ ခေါင်းလိုက်ရှာနေတာ ဒီလမ်းပေါ်မှာ .. ကုန်စိမ်းသည်တွေဆိုတစ်ယောက်တည်း မလာရဲကြတော့ဘူး လို့ အန်တီ ဘုတ်ဆုံပြောတာာပြန်ကြားလာမိသလိုလို ....
ခုနကတစ်ချက်ပျောက်သွားတဲ့ အပုတ်နံ့ကြီးက ပြန်စူးလာပြန်ပြီ ..
ဒေါင် ...
ဟင် .. ငါ့ဂစ်တာက .. အသံဟ ......
.
.
တောက် ... တောက် ...
ရေစက်လေးကျလာသဟ .. .. မိုးလည်းမရွာပါဘူး ...
.
.
.
ဘုရားဘုရား
ဣိတိပိသော ဘဂဝါ ... ဝါ .. ဝါ ..
.
.
.
အာဝူး ..........(ခွေးအူသံ)
အပုတ်နံ့ကြီး .. ဘုရားဘုရား .....
.
.
.
.
ဟာ .. ... လက်အေးအေးကြီး ....
သ.... သ .... သ ရဲ ..
.
.
.
.
.
သို့နှင့် ..
နောက်နေ့နံနက်တွ င် သတိလစ်အိပ်ပျော်နေသော အောင်ကြီးအား ရပ်ကွက် မှ ဝိုင်းနှိုးပြိး အိမ်ပြန်ပို့ပေးလိုက်ကြောင်း ....
ဂစ်တာလည်း မရှိတော့ကြောင်း ..